Масленіца з Усяславам Чарадзеем

Программа экскурсии

Па прыездзе дзяцей сустракаюць дружыннікі Усяслава Чарадзея. Яны вітаюць дзяцей і прапануюць ім прайсці рыцарскія выпрабаванні, а таксама пагуляць у масленныя гульні і даведацца пра старадаўняе беларускае свята Масленіцы.

Дзеці дзеляцца на дзве групы (калі група вялікая), адна ідзе ў музей, другая на рыцарскія выпрабаванні і масленічныя гульні ў павільён. У музеі дзеці даведаюцца, што з сябе ўяўляў менскі замак Усяслава Чарадзея, дзе ён месціўся, як выглядаў, якім быў побыт тагачасных жыхароў. Убачаць сапраўдныя экспанаты, якім 1000 гадоў! У часе рыцарскіх забаваў дружыннік паказвае дзецям некаторыя элементы рыцарскага майстэрства, дае заданні не кемлівасць і каардынацыю. Дзецям распавядаецца пра свята Масленіцы. Спачатку ў падгрупах, а потым усе разам дзеці прымаюць удзел у традыцыйных беларускіх масленічных гульнях:

- "завіванне кос" - гульня са стужкамі. Тры чальца каманды са стужкамі ў руках намагаюцца заплесці прыгожую і зграбную касу з іх. Адзін чалавек трымае усе тры стужкі ў руцэ, дае парады сваёй камандзе.

- "запусканне веснавых птушак" - птушак, вырабленых з тканіны, удзельнікі гульні павінны "запусціць" (закінуць) у скрыню ў выглядзе гнязда. Перамагае удзельнік (каманда), які за пэўны час зможа закінуць у гняздо больш птушак. І гэтак далей. Пасля з дзецьмі развучваецца беларускі народны танец. У канцы праграмы каманды праходзяць віктарыну (задаюцца пытанні па экскурсіі ў музеі) і ўрачыста прымаюцца ў дружыну Усяслава Чарадзея (з выдачай імянных грамат). Дзеці робяць групавы здымак. Пасля атрымліваюць пачастунак і гарбату;

- дыскатэка.

Усе актыўнасці праходзяць у крытым цёплым павільёне.

Плюсы гэтай экскурсіі:

• дзеці не проста прабавяць час, а правядуць яго з карысцю, атрымаюць веды па гісторыі Беларусі;
• дазнаюцца пра беларускія традыцыі, вывучаць народны танец;
• практыка беларускай мовы;
• нашыя экскурсаводы і аніматары ўмеюць зрабіць экскурсію займальнай нават для пачатковых класаў;
• блізка ад Мінска – дзеці не паспеюць стаміцца за час дарогі.

У кошт уваходзіць:

• Транспартнае і экскурсійнае абслугоўванне
• Наведванне музея (паказваюцца самыя цікавыя экспанаты 30-40 хв)
• Масленічныя гульні (1 гадзіна)
• Майстар-клас па народным танцы (10 хв)
• Віктарына, прысвячэнне ў дружыннікі Усяслава Чарадзея, фотазона на троне, гарбата з пачастункам (30-40 хв)